ဌာနဆိုင်ရာပူးပေါင်းဆောင်ရွက်ရေးအဖွဲ့

ဌာနဆိုင်ရာပူးပေါင်းလုပ်ငန်းအဖွဲ့ကို နိုင်ငံခြားရင်းနှီးမြှုပ်နှံမှု ဥပဒေပုဒ်မ ၁၄ အရ တစ်နေရာတည်းတွင် လုပ်ငန်းများပြီးစီးစေရန် ဖွဲ့စည်းခဲ့ပါသည်။ ညွှန်ကြားရေးမှူးချုပ်၏ ကြီးကြပ်ကွပ်ကဲမှုအောက်တွင် ဒုတိယညွှန်ကြားရေးမှူးချုပ်က ဌာနဆိုင်ရာပူးပေါင်းလုပ်ငန်းအဖွဲ့၏ခေါင်းဆောင်အဖြစ် တာဝန်ယူပါသည်။ ရည်ရွယ်ချက်:

• ရင်းနှီးမြှုပ်နှံသူများမှ ၎င်းတို့၏ ရင်းနှီးမြှုပ်နှံမှု လုပ်ငန်းများအား     အကောင်အထည်ဖော်ရာတွင် လမ်းညွှန်ချက်ပေးရန်၊
• ရင်းနှီးမြှုပ်နှံမှုအား အကောင်အထည်ဖော်ရာတွင် သက်ဆိုင်ရာ ဥပဒေအရ    လျှောက်ထားတင်ပြရန် လိုအပ်သည့် လျှောက်ထားလွှာများအား အစိုးရဌာန၊     အစိုးရအဖွဲ့အစည်းများ ကိုယ်စားလက်ခံရန်၊
• ဥပဒေပုဒ်မ ၄၈ (က) အရ အစိုးရဌာန၊ အစိုးရအဖွဲ့အစည်းမှ ပြုလုပ်နိုင်သည့် ဆုံးဖြတ်ချက်(သို့မဟုတ်)ဆောင်ရွက်ချက်များနှင့် သက်ဆိုင်သည့်  သတင်းအချက်အလက်များအား တောင်းခံသည့် တောင်းဆိုမှု များအား လက်ခံသွားရန်၊
• နစ်နာဆုံးရှုံးမှုများဖြေရှင်းရန် ရင်းနှီးမြှုပ်နှံမှုအကူအညီပေးရေး ကော်မတီအားထောက်ပံ့ကူညီရန် နှင့် ရင်းနှီးမြှုပ်နှံသူများအား အကူအညီပေးရန်၊
• ရင်းနှီးမြှုပ်နှံမှု ကြီးကြပ်ရေး ဌာနခွဲအား အကူအညီပေးသွားရန်၊

ဌာနဆိုင်ရာ ပူးပေါင်းလုပ်ငန်းအဖွဲ့ကို အောက်ဖော်ပြပါ အစိုးရာဌာနများဖြင့် ဖွဲ့စည်းထားပါသည်-

• ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာန
• ကုန်သွယ်ရေးဦးစီးဌာန
• အကောက်ခွန်ဦးစီးဌာန
• ပြည်တွင်းအခွန်များဦးစီးဌာန
• မွေးမြူရေးနှင့် ကုသရေး ဦးစီးဌာန
• ငါးလုပ်ငန်းဦးစီးဌာန
• စိုက်ပျိုးရေးဦးစီးဌာန
• ပတ်ဝန်းကျင်ထိန်းသိမ်းရေးဦးစီးဌာန
• သတ္တုတွင်းဦးစီးဌာန
• လူဝင်မှုကြီးကြပ်ရေးဦးစီးဌာန
• အလုပ်သမားညွှန်ကြားရေးဦးစီးဌာန
• စက်မှုကြီးကြပ်ရေးနှင့်စစ်ဆေးရေးဦးစီးဌာန
• မြို့ပြနှင့်အိမ်ရာဖွံ့ဖြိုးရေးဦးစီးဌာန
• ဟိုတယ်နှင့် ခရီးသွားလာရေး ဦးစီးဌာန
• ရန်ကုန်လျှပ်စစ်ဓာတ်အားပေးရေးကော်ပိုရေးရှင်း
• မြန်မာနိုင်ငံတော်ဗဟိုဘဏ်
• လျှပ်စစ်နှင့် စွမ်းအင်ဝန်ကြီးဌာန
• ကော်မရှင်က အခါအားလျော်စွာ သတ်မှတ်သည့် ဌာနများ

ဆက်သွယ်ရန်

DAW TIN AYE HAN
Deputy Director General
Phone No. – 01 658144

U MYO KHAING OO
Director, OSS
Phone No. – 01 658263