တန်ဖိုး၊ ဖွံဖြိုးတိုးတက်မှုများနှင့် ဖွဲ့စည်းပုံ

တန်ဖိုး

ရည်ရွယ်ချက်များ

• ပြည်တွင်းပြည်ပ ရင်းနှီးမြှုပ်နှံမှုများ ပိုမိုတိုးမြှင်လာစေရန်
• ပုဂ္ဂလိက စွန့်ဦးတည်ထွင် စီးပွားရေးလုပ်ငန်းကို အားပေးရန်
• ဒေသတွင်းနှင့် နိုင်ငံတကာ စီးပွားရေးလုပ်ငန်း ပူးပေါင်းဆောင်ရွက်မှုများတွင် ပါဝင်ဆောင်ရွက်ရန်
• အဖွဲ့အစည်းတည်ထောင်ဆောင်ရွက်ပုံ၊ လုပ်ကိုင်ဆောင်ရွက်ပုံ မူဘောင်များအား ဖွံ့ဖြိုးတိုးတက်အောင်ဆောင်ရွက်ရန် 

DICA ၏ ဆောင်ပုဒ်

D – DUTIFUL (တာဝန်ကျေပွန်ခြင်း)
I  – INDUSTRIOUS (လုံ့လဝီရိယရှိခြင်း)
C – CAPABLE (စွမ်းဆောင်ရည်ပြည့်ဝခြင်း)
A – ACCOUNTABLE (တာဝန်ခံမှုရှိခြင်း)

WE ARE DICA

လတ်တလောတိုးတက်ပြောင်းလဲမှုများ

၂၀၁၃ ခုနှစ်: အခြားဝန်ကြီးဌာနများနှင့် စီးပွားရေးလုပ်ငန်းဆိုင်ရာ စေ့စပ်ညှိနှိုင်းမှုများနှင့် ပူးပေါင်းဆောင်ရွက်မှု လွယ်ကူစေရန်အတွက် တစ်နေရာတည်းတွင် အလုံးစုံဝန်ဆောင်မှုပေးသောဌာနကို ရန်ကုန်မြို့ရှိ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနရုံးတွင် ဖွဲ့စည်းခဲ့ပါသည်။ 

၂ဝ၁၄ ခုနှစ်: ရင်းနှီးမြှုပ်နှံသူများ လုပ်ငန်းဆောင်ရွက်ရာတွင် လွယ်ကူစေရန်အတွက် DICA ရုံးချုပ် အား နေပြည်တော်မှ မြန်မာနိုင်ငံ၏ စီပွားရေး အချက်အချာဖြစ်သော ရန်ကုန်မြို့သို့ ပြောင်းရွေ့ခဲ့ ပါသည်။တချိန်တည်းမှာပင်DICAရုံးခွဲများအား ပြည်နယ်နှင့်တိုင်းများတွင် ဖွင့်လှစ်ထားရှိရန် ဆောင်ရွက် ခဲ့ပြီး ပထမဆုံး ရုံးခွဲများအဖြစ် မန္တလေး၊ နေပြည်တော်၊ တောင်ကြီးနှင့် မော်လမြိုင်မြို့များတွင် ဖွင့်လှစ်ခဲ့ပါ သည်။

၂၀၁၅ ခုနှစ်: DICA သည် စီးပွားရေးဝန်းကျင်၏ကူညီပံ့ပိုးသူအနေဖြင့် ရပ်တည်ရာတွင် ပိုမိုပံ့ပိုးပေးနိုင်ရန်နှင့် ပိုမိုကောင်းမွန်သည့် ဝန်ဆောင်မှုပေးနိုင်ရန်အတွက် ဝန်ထမ်းအင်အား တိုးချဲ့ခန့် ထားခဲ့ပါသည်။ မြန်မာနိုင်ငံအတွင်း လုပ်ငန်းဆောင်ရွက်မှုအားပိုမိုလွယ်ကူစေရေးအတွက် ကုမ္ပဏီ မှတ်ပုံတင်ခြင်းနှင့် ရင်းနှီးမြှုပ်နှံမှုတင်ပြ လျှောက်ထားရမည့် အဆင့်များအား လွယ်ကူအောင်ဆောင်ရွက် ပေးခဲ့ပြီး တင်ပြရမည့် စာရွက်စာတမ်းများအားလည်းဖြေလျော့ပေးခဲ့ပါသည်။ ထို့ကြောင့် “ STARTING A BUSINESS” OF DOING BUSINESS REPORT တွင် အဆင့် ၂၉ ဆင့် အထိ တိုးတက်လာခဲ့ပြီး ကမ္ဘာဘဏ်မှ ထုတ်ပြန်သော DOING BUSINESS ၂၀၁၆ တွင် တိုးတက်မှုအမြင့်မားဆုံးသောနိုင်ငံအဖြစ် မှတ်တမ်းတင်နိုင် ခဲ့ပါသည်။ ထို့အပြင်  ရင်းနှီးမြှုပ်နှံမှုမြှင့်တင်ရေး အတွက် ပထမဦးဆုံး မြန်မာရင်းနှီးမြှုပ်နှံမှုပြပွဲအား မန္တလေးမြို့တွင် ကျင်းပ ပြုလုပ်နိုင်ခဲ့ပါသည်။

၂ဝ၁၆ ခုနှစ်: ပိုမိုပြည်စုံသော သတင်းအချက်အလက်များနှင့် ပိုမိုကောင်းမွန်သည့် ဝန်ဆောင်မှုများ ပံ့ပိုးပေးနိုင်ရန်အတွက် DICA ၏ ဝတ်ဘ်ဆိုက် အသစ်အား စတင်အသုံးပြုခဲ့ပါသည်။ DICA ၏ ရုံးခွဲ အသစ်များအား ပုသိမ်၊ မုံရွာ ၊ထားဝယ် နှင့် ဘားအံတို့တွင် ဖွင့်လှစ်ခဲ့ပါသည်။

DICA အနေဖြင့် ရင်းနှီးမြှုပ်နှံမှု ဝန်းကျင်ပိုမိုတိုးတက်လာစေရန် နှင့် ပြည်တွင်းပြည်ပ ရင်းနှီး မြှုပ်နှံသူများမှ ရင်းနှီးမြှုပ်နှံမှု အရည်အသွေး၊ အရေအတွက် ပိုမိုတိုးတက်လာစေရန်အတွက် ရင်းနှီး မြှုပ်နှံမှု ဥပဒေအား ပြင်ဆင်ပြဌာန်းခဲ့ပါသည်။ 

ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနသည် မြန်မာနိုင်ငံရှိ ရင်းနှီးမြှုပ်နှံမှု ဝန်းကျင်ကို မြှင့်တင်ရာတွင် ရင်းနှီးမြှုပ်နှံမှုနှင့် ပတ်သက်သည့် စည်းမျဉ်းစည်းကမ်းများကို ပြုပြင်ပြောင်းလဲရာတွင် ထင်ရှားသည့် ပြုပြင်ပြောင်းလဲမှု၊ မြန်မာနိုင်ငံရင်းနှီးမြှုပ်နှံမှုဥပဒေနှင့် နည်းပဒေများ ဖွံ့ဖြိုးမှုနှင့် စီးပွားရေး ဆိုင်ရာ ဆောင်ရွက်ချက်တို့ကို တက်ကြွစွာ ပါဝင်ဆောင်ရွက်ခဲ့ပါသည်။

၂၀၁၇ ခုနှစ်: မြန်မာနိုင်ငံ ရင်းနှီးမြှုပ်နှံမှု နည်းဥပဒေများကို မတ်လတွင် ပြည်ထောင်စုအစိုးရအဖွဲ့ က အတည်ပြုပြဋ္ဌာန်းပေးခဲ့ပြီး မြန်မာနိုင်ငံ ရင်းနှီးမြှုပ်နှံမှုဥပဒေနှင့်အတူ ဧပြီလမှ စတင်ကျင့်သုံးခဲ့ပါ သည်။ ရုံးခွဲ ဖွင့်လှစ်ရန် ကျန်ရှိနေသည့် ပြည်နယ်နှင့် တိုင်းဒေသကြီးများဖြစ်သည့် ပဲခူးတိုင်းဒေသကြီး၊ မကွေးတိုင်း ဒေသကြီး၊ ကယားပြည်နယ်၊ ကချင်ပြည်နယ်၊ ရခိုင်ပြည်နယ်နှင့် ချင်းပြည်နယ် တို့တွင်လည်း ရုံးခွဲများ ဖွင့်လှစ်ခဲ့ပါသည်။

ထို့အပြင် ကုမ္ပဏီများကို စစ်တမ်းကောက်ယူခဲ့ပြီး COST OF DOING BUSINESS IN MYANMAR 2017 REPORT ကို ထုတ်ဝေခဲ့ပါသည်။ အဆိုပါ စာအုပ်များတွင် မြန်မာနိုင်ငံရှိ လျှပ်စစ်မီး စရိတ်၊ သွင်းကုန်/ထုတ်ကုန် ဆောင်ရွက်ခြင်း၊ ကုမ္ပဏီ တည်ထောင်ခြင်း၊ ဝန်ထမ်းရေးရာ၊ ရုံးခန်းနေရာ တို့နှင့် စပ်လျဉ်းသည့် အသေးစိတ် လမ်းညွှန်ချက်များကို ဖော်ပြထားပါသည်။

ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနသည် စည်မျဉ်းဆိုင်ရာ ပြုပြင်ပြောင်းလဲမှု၏ အစီအစဉ်တစ်ခုဖြစ်သော နှစ်ပေါင်းတစ်ရာသက်တမ်းရှိသော ၁၉၁၄ မြန်မာကုမ္ပဏီများ အက်ဥပဒေကို ခေတ်မီစေရန်အတွက်  ပြင်ဆင် ဆောင်ရွက်ခဲ့ပြီး ပြည်ထောင်စုလွှတ်တော် ဥပဒေအမှတ် ၂၉ /၂၀၁၇ ဖြင့် မြန်မာနိုင်ငံကုမ္ပဏီများဥပဒေကို ၂၀၁၇ ခုနှစ် ဒီဇင်ဘာလ ၆ ရက်နေ့တွင် ပြဌာန်းခဲ့ပါသည်။

၂၀၁၈ ခုနှစ်: မြန်မာနိုင်ငံ ကုမ္ပဏီများဥပဒေကို နိုင်ငံတော်သမ္မတရုံး၏ အမိန့်ကြော်ငြာစာအမှတ် ၄၈/၂၀၁၈ ဖြင့် ၂၀၁၈ ခုနှစ်၊ သြဂုတ်လ ၁ ရက်နေ့တွင် စတင် အာဏာတည်ကြောင်း သတ်မှတ်ခဲ့ပြီး အီလက်ထရောနစ် ကုမ္ပဏီမှတ်ပုံတင်စနစ် (MYANMAR COMPANIES ONLINE (MYCO)ကို ၂၀၁၈ ခုနှစ် ဩဂုတ်လ ၁ ရက်နေ့မှစတင်၍ အသုံးပြုခဲ့ပါသည်။ FDI ACTUAL INFLOW နှင့် စပ်လျဉ်းသည့် စာရင်း အချက်အလက်များကိုလည်း အများပြည်သူသိရှိနိုင်စေရန် ထုတ်ပြန်ပေးနိုင်ခဲ့ပါသည်။

ထို့အပြင် ကုမ္ပဏီများကို စစ်တမ်းကောက်ယူခဲ့ပြီး COST OF DOING BUSINESS IN MYANMAR 2018 REPORT ကို ထုတ်ဝေခဲ့ပါသည်။ အဆိုပါ စာအုပ်များတွင် မြန်မာနိုင်ငံရှိ လျှပ်စစ်မီး စရိတ်၊ သွင်းကုန်/ထုတ်ကုန် ဆောင်ရွက်ခြင်း၊ ကုမ္ပဏီ တည်ထောင်ခြင်း၊ ဝန်ထမ်းရေးရာ၊ ရုံးခန်းနေရာ တို့နှင့် စပ်လျဉ်းသည့် အသေးစိတ် လမ်းညွှန်ချက်များကို ဖော်ပြထားပါသည်။

နိုင်ငံတကာမှ ရင်းနှီးမြှုပ်နှံမှုများ ပိုမိုထိရောက်စွာ ဆွဲဆောင်နိုင်စေရန်အတွက် ၂၀၁၈ ခုနှစ် နိုဝင်ဘာလ ၁၉ ရက်နေ့တွင် ပြည်ထောင်စု သမ္မတမြန်မာနိုင်ငံတော် နိုင်ငံတော်သမ္မတရုံး၏ အမိန့် ကြော်ငြာစာအမှတ် ၈၇/၂၀၁၈ အရ   ရင်းနှီးမြှုပ်နှံမှုနှင့် နိုင်ငံခြားစီးပွား ဆက်သွယ်ရေးဝန်ကြီးဌာနကို ဖွဲ့စည်းခဲ့ပြီး ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနကို ယခင် စီမံကိန်းနှင့် ဘဏ္ဍာရေးဝန်ကြီး ဌာနကြီးကြပ်မှုအောက်မှ  ရင်းနှီးမြှုပ်နှံမှုနှင့်နိုင်ငံခြားစီးပွားဆက်သွယ်ရေးဝန်ကြီးဌာန ကြီးကြပ်မှုအောက် သို့  ပြောင်းလဲဖွဲ့စည်းခဲ့ပါသည်။

၂၀၁၉ ခုနှစ်: မြန်မာနိုင်ငံကုမ္ပဏီများဥပဒေပါ MYANMAR COMPANIES ONLINE (MYCO) စနစ်စတင်အသုံးပြုနိုင်ခဲ့ခြင်းကြောင့်ကမ္ဘာ့ဘဏ်၏ EASE OF DOING BUISNESSအစီရင်ခံစာ၌တိုးတက်မှုအရှိဆုံးနိုင်ငံ၂၀တွင်မြန်မာနိုင်ငံပါဝင်ခဲ့ပါသည်။ STARTING BUSINESS အဆင့်၌၁၅၅မှ၇၀သို့သိသိသာသာတိုးတက်ခဲ့ပါသည်။ရင်းနှီးမြှုပ်နှံမှုများပိုမိုတိုးမြှင့်ဝင်ရောက်လာစေရေးကရင်၊ကယား၊ရခိုင်၊ရှမ်း၊ဧရာဝတီ၊မန္တလေးနှင့်ရန်ကုန်တိုင်းဒေသကြီးတို့တွင်ရင်းနှီးမြှုပ်နှံမှုဖိုရမ်များကိုလည်းအောင်မြင်စွာကျင်းပနိုင်ခဲ့ပါသည်။

၂၀၂၀ ခုနှစ်: ကိုဗစ် – ၁၉ကြောင့်အခက်အခဲများ များစွာကြုံတွေ့ခဲ့ရသော်လည်းနိုင်ငံခြားရင်းနှီးမြှုပ်နှံမှုမှာလျာထားချက်ပြည့်မီလုနီးပါးဝင်ရောက်ခဲ့ပါသည်။ဒုတိယအကြိမ်ရင်းနှီးမြှုပ်နှံမှုမူဝါဒပြန်လည်ဆန်းစစ်ခြင်းကိုဆောင်ရွက်နိုင်ခဲ့ပါသည်။ ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာနအနေဖြင့်လူမွဲခံယူခြင်းဆိုင်ရာမှတ်ပုံတင်အရာရှိအဖြစ်လက်ခံဆောင်ရွက်မည်ဖြစ်ကာလက်ရှိကုမ္ပဏီမှတ်ပုံတင်စာရင်းနှင့်လည်းချိတ်ဆက်နိုင်ရေးပြင်ဆင်ဆောင်ရွက်ထားရှိပြီးဖြစ်ပါသည်။ဌာန၏ဝက်ဘ်ဆိုက်ကိုလည်းအဆင့်မြှင့်တင်ဆောင်ရွက်ခဲ့ပြီးရင်းနှီးမြှုပ်နှံသူများစာရင်းကိုအလွယ်တကူရှာဖွေနိုင်သော MYANMAR INVESTMENT DIRECTORY (MYINDY)၊မြန်မာနိုင်ငံသို့ကုမ္ပဏီရေးရာကိစ္စများဖြင့်ဝင်ရောက်လာကြမည့်နိုင်ငံခြားသားများအတွက်အွန်လိုင်းမှတစ်ဆင့်ထောက်ခံချက်ထုတ်ပေးသည့်စနစ် ONLINE RECOMMENDATION LETTER FOR VISA EXTENSION တို့ကိုလည်းထပ်တိုးဆောင်ရွက်နိုင်ခဲ့ပါသည်။ 

ဖွဲ့စည်းပုံ

Organisational Chart

DICA ရှိ ဝန်ထမ်းများ၏ ပညာအရည်အချင်း

တာ၀န်နှင့် ၀တ္တရားများ